Saison Ändi oder äbe Abschiffet MCT

 

Ä chlini, luschtegi u hungregi Gruppe trifft sech zum gmüetleche Brunch. Nach spärleche Amäudige simer du doch immerhin letschtändlech 16 Clubmitglider gsy, Autigsässeni und Neulinge.

 

Wie fasch au Jahr isch ou hür zWätter äs Thema gsy. Floss, bi Schmutze‘s oder äbe doch lieber Floss, äs chönt ja de chaut si? Letscht ändlech si mir bi Linder`s ir warme Backstube ghocket.

 

Mir heis gwüss luschtig ka, kulinarisch hets a nütem gmanglet, Spiss u Trank isch vo aune grüemt worde. Sogar ä chline Rundgang dür Bachstube het z‘Inträsse vo üsne Mitglider gweckt.

 

Zum Schluss danki aune wo si cho, denn, we mir die Aläss nüme hei, de würd doch öppis wichtigs fähle. Äs geit ja nid drum, ä grossi Sache azrisse, viu wichtiger isch doch äs gmütlechs zämehocke.

 

Häbet aui ä gueti Wintersaison u passet uf bim Schiine ;-)

 

Peter Linder